Το κείμενο λέει τα εξής:Επειδὴ ὁ λόρδος Νοέλ Βύρων, βουλόμενος συμπράκτωρ τῆς Ἐλευθερίας τῇ Ἑλλάδι γενέσθαι, καὶ τὴν Δυτικὴν μάλιστα τῆς λοιπῆς κινδυνεύουσαν ὁρῶν, ἔγνω εἰς ταύτην ἀφικέσθαι τὴν πόλιν, καὶ ταύτην εὐεργετῶν, ἁπάσης τῆς Δυτικῆς Ἑλλάδος τὴν σωτηρίαν κατεργάσασθαι· ὃ δὴ καὶ τοῖς ἔργοις ἐδήλωσεν, οὐ μόνον μεγάλαις δωρεαῖς μεγίσταις ἐπαρκέσας ἀνάγκαις, ἀλλὰ καὶ τοῖς λόγοις καὶ τῷ ἀξιώματι αὐτοῦ ὠφελιμώτατος τοῖς πράγμασι γενόμενος. Ἡ Πόλις Μισολογγίου εὐεργέτην αὐτὸν ἀνακηρύττει, καὶ πολίτην Μισολογγίτην ψηφίζεται, τῶν αὐτῶν αὐτοῖς ἀπολαύοντα δικαίων, καὶ ἀναγράφει τοῦτο ἐν τοῖς ἀρχείοις τῆς πόλεως· ἵνα δῆλον γένηται πᾶσιν, ὡς οἱ Μισολογγῖται τοὺς ἀγαθοὺς ἄνδρας οἴδασι τιμᾶν, καὶ τοῖς εὐεργέταις γενομένοις αὐτῶν, εἰς εὐγνωμοσύνην, πολιτείαν διδόναι.
Ἐν Μεσολογγίῳ τῇ 17 Μαρτίου αωκδ΄ (1824)
Κατεχωρίσθη ἐν τῷ βιβλίῳ ὑπ’ ἀρ. 1020·
Ὁ Γραμματεὺς τῆς Διοικήσεως
Γεώργ. [Πεσίνης / Πετίνης ; δυσανάγνωστο]
Εδώ βλέπουμε την σχετική, πρώτη ανάρτηση, του εγγράφου στο Τουήτερ - https://x.com/ChountisFabbri/status/2037189003774955713